Gustatuko litzaizuke Euskadin koproduzitzea? Ikus-entzunezko hurrengo proiekturako euskal bazkide baten bila zabiltza? Gure lurraldean filmatu nahi duzu? Euskal industriako profesionalen bila zabiltza? Kontsultatu euskal enpresek egindako azken ekoizpenen gure direktorioa.
Zineuskadi Euskal Ikus-entzunezkoen Bulegoak zuzenduta BASQUE. AUDIOVISUAL. euskal ikus-entzunezkoen sektorearen nazioartekotzearen atzean dagoen marka da, euskal konpainiak eta ekoizpenak mundu osoko merkatu eta jaialdietan sustatzeko diseinatutako babesgunea.
BASQUE. AUDIOVISUAL.ek euskal ikus-entzunezko industriako profesionalen presentzia ahalbidetzen du nazioarteko merkatuetan, eta aldi berean, euskal proiektuak banatzea eta koproduzitzea sustatzen du.
Etxepare Euskal Institutuak eta EIKEN Klusterrak babesten dute BASQUE. AUDIOVISUAL. eta BASQUE. proiektuaren parte da. Helburua da euskal eszena artistiko, kultural eta sortzailearen eta kultura- eta sormen-industrien ikusgarritasuna eta ezagutza nazioartean handitzea. Gure helburua da nazioarteko harreman iraunkorrak eratzea eta kultura- eta sormen-industrietako kultura eta akademia mailako lankidetza eta trukea babestea nazioartean.
