.jpg)
1. Bi zuzendariek eta hautatutako bi ekoizleek Noka EKoizpenak eskainitako programan parte hartu ahal izan dezaten eta beren proiektuak ahalik eta baldintza onenetan garatu ahal izan ditzaten, Noka Ekoizpena programara 16.000 € bideratuko dira, 4.000 €-ko laguntzetan banatuta bi zuzendarientzat eta hautatutako 2 produktoreentzat. (8.000 € proiektuko).
Ekoizle hasiberria ekoiztetxe baten eskutik badator, laguntza hori zuzenean enpresara joango da kontratatzen laguntzeko.
2. Prozesu osoan bi tutore egongo dira alde bakoitzeko; bi zuzendarientzat eta beste bi ekoizleentzat, eta hautatutako bi proiektuen jarraipena egingo dute programa osoan zehar.
3. Prestakuntza-prozesuak 5 modulu ditu:
A- 1. MODULUA: Modulu honetan, hautatutako proiektuak gidoigintzako lehen idazketan daude; horregatik, proiektuak tutoreei aurkeztearekin batera, parte hartuko duten ekoizleei saioak eskainiko zaizkie. Zuzendaritzako tutoreek zuzendariekin batera markatuko dituzte berridazteko, edo sinopsia sortzeko, tratatzeko edo narrazioak eta pertsonaiak garatzeko beharrak, eta batera landuko dituzte egutegia eta mentoretzak iraungo duen hilabeteetan lortu beharreko helburuak.
Ekoizleek saio berezi bat izango dute proiektuen arteko desberdintasunak eta antzekotasunak ulertzeko eta proiektu bakoitzaren plangintza bere berezitasunengatik zein izango den baloratzeko. Lehen banakapena egin. Proiektu bakoitzaren helburuak eta lan-egutegia ere horien araberakoa izango da.
Biak (zuzendaria eta ekoizlea) batera joango dira moduluaren zati guztietara. Lehenengo modulu hori apirilaren 12an, ostirala, izango da Bilbon, eta, beraz, deialdira aurkeztean, aurkezpeneko lehen modulura joateko aukera izan beharko dute.
B- 2. MODULUA: Gidoia idaztea: tutoreak zuzendari bakoitzarekin hitz egiten joan dira, programaren hasieran aurkeztutako gidoia nola hobetu edo osatu behar den adieraziz. Ekoizleeek banakatzean sakonduko dute eta filmaketa planari, banaketari eta kokapenari buruzko klase teorikoa izango dute. Baterako mentoretza batean hitz egingo da nola ezarri Green proiektua, nola bihurtu elkarrizketak inklusiboak eta nola sartu plangintzan modu naturalean green irizpideak.
C- 3. MODULUA: Modulu honetan industriaren mapa, labak, inkubategiak eta foro profesionalak landuko dira. Zuzendariek narrazioaren garapenean aurrera egiten jarraitzen duten bitartean, ekoizleak aurrekontuaren eta finantzaketa-planaren nozioekin hasiko dira, banakapena, banaketa eta kokapenak amaituta izango baitituzte. Gainera, kontratuei buruzko modulu juridiko espezifikoa izango dute.
D- 4. MODULUA: Modulu hau ekoizpenaren alderdian, ekoizpena abian jartzean, finantzaketa-iturrietan eta finantzaketa-eskema tipikoetan zentratuko da. Horrekin guztiarekin, bai estrategia bai finantzaketa-plana egingo dira, eta eskura ditzaketen laguntzen egutegia egin ahal izango da.
E- 5. MODULUA: Egun erdiko bi masterclass izango lituzke bakoitzak. Lehenengoa marketin- eta banaketa-estrategiari buruzkoa izango da. Bigarren masterclassa pitching tailerra izango da.
Moduluen behin betiko datak itxi ahal izateko, ezinbestekoa izango da aurrez horietako bakoitzerako ad hoc proiektuak eta tutoreak aukeratzea. Egutegia ixteko unean, parte-hartzaileei behin betiko datak jakinaraziko zaizkie, modulu guztietara joateko konpromiso-kontratu batekin batera, eta tutore bakoitzak modulu bakoitza osatzean jaso beharko duen material guztia emango zaie, hurrengoan aurrera egin ahal izateko. Zineuskadik ez ditu bidaiak bere gain hartuko moduluetara modu presentzialean joateko, zuzkidura ekonomikoak estaltzen dituela ulertzen baita, eta egun berean bidaiekin bateragarriak diren ordutegietara egokitzen saiatuko da.
