ZER DA
'Talentuaren Gunea' ahots eta narratiba berriak eta talentu berriak bilatzen dituzten enpresa ekoizleen arteko topagune gisa sortu da. Pitching saio hauetan, ahots berriek garatzen ari diren proiektuen berri ematen dute.
NOIZ OSPATZEN DA
Apirilaren 26an Azkuna Zentroan (Bilbo).
BERRIAK
Aurtengo nobedadetako bat kategoria bakoitzerako epaimahai bat sartzea da. Espero dugu edizio honek, beharrezkoa den feedback kritikoa izateaz gain, publikoa gehiago elkarreraginera animatzea. Iaz bezala, euskal ekoizleak izango ditugu.
Epaimahai hori sektoreko funtsezko eragileek osatzen dute, eta nazioko eta nazioarteko merkatuetatik zein laborategietatik joaten dira, sortzen ari den talentua ezagutzeko eta atzemateko. Horregatik, sariak ematen dituzte irabazle suertatzen diren proiektuetarako. Hemen duzue 2024. edizio honetako epaimahaiaren zerrenda. Aurrerago, eskaintzen dituzten sariak aurki ditzakezue.
|
|
|
|
SARIAK*
DOKUMENTALA
- Lau Haizetara Fororako sarbidea.
- Sunny Side of the Doc-erako sarbidea
ANIMAZIOA
- Weird Market-erako bi akreditazio
FIKZIOA
- D'A Film Lab 2025ean parte hartzea, Producció Emergent atalean.
- 2024ko Abycine Lanza konexioak saria: ikus-entzunezko merkaturako bi akreditazio.
MUSIC LIBRARY
- Ekoizpen baterako tarifa laua: AudioNetwork eta Music Library & SFX/AltMusic ekoizpen musika katalogoetarako sarbide mugagabea.
* Hauek dira erakunde bakoitzak ematen dituen sariak, eta aldaketak izan ditzakete saritutako proiektuak ezin badu aintzat hartu, dagoen ekoizpen-egoera dela eta. Kasu horretan, erakundeak saria alda dezake, saria ahalik eta ondoen jaso dezaten
OINARRIAK (irakurri oinarriak hemen)
Ekimen hau iaz hasi zen, EQZE, ECPV, ESCIVI, Digipen, UPV/EHU, NOKA, AUKERA, 2DEO SERIES eta MUrekin batera lan eginez. Hori dela eta, bigarren edizio honetan, aurretik aipatutako eskola edo erakundeek bakarrik aurkeztu ahal izango dituzte proiektuak deialdi honetara. Gaur egun erakunde horietan ikasten ari diren ikasleak zein “alumni”ak aurkeztu daitezke.
Hona hemen ekimena osatzen duten kategoriak:
· Fikziozko proiektuak
· Animazio-proiektuak
· Dokumental-proiektuak
Ekimen horretara film laburren proiektuak aurkez daitezke, baita film luzeak edo serieak ere. Kategoria bakoitzeko 6 proiektu baino ez dira hautatuko. Pitching bakoitzak 10 minutu izango ditu eta 5 minutu izango dituzte bertaratzen direnek galderak egiteko.
Bestalde, ekoiztetxeak interes handieneko pitching-etara jo ahal izango dute, generoagatik edo kidetasunagatik. Hori dela eta, egunean zehar hiru pitching saio jarraian egingo dira, kafea hartzeko etenaldiarekin.
Horrela, eguneko egitaraua honela aurkezten da:
· Hautatutako sei dokumental-proiektuen pitchinga.
· Hautatutako sei animazio-proiektuen pitchinga.
· Kafea eta mokadua hartzeko etenaldia.
· Hautatutako fikziozko sei proiektuen pitchinga.
* Pitching-en ordena ez da behin betiko egingo inskripzio-data itxi arte.
Apirilaren 19an argitaratuko ditugu kategoria bakoitzean pitching-a egin dezaketen proiektuak. Honek astebete emango du azken pitch-a prestatu ahal izateko. Proiektuak jasotzeko azken eguna apirilaren 5a da, 23:59etan, eta materiala info@basqueaudiovisual.eus helbidean jasoko da.
Parte hartzera animatzen diren ikasleek apirilaren 5erako aurkeztu beharko dituzte hautagaitzak. Aurkeztu beharreko dosierrarekin batera, hautagaiek bideopitch bat aurkeztu beharko dute epaimahaiarentzat. Epaimahaiak bi aste izango ditu jasotako proiektuak baloratzeko.
· Gehienez 10 minutuko bideopitch-a.
· Txosten bat, honako informazio honekin:
- Sinopsia
- Gidoia/Tratamendua
- Aurrekontua
- Komenigarritzat jotzen den informazio gehigarria
Bideopitch bat aurkezten ez duten proiektuak zuzenean baztertuko dira.
Eskertuko genizueke eskatutako informazioa bide honetatik bidaltzea: WeTransfer, info@basqueaudiovisual.eus helbidera.
Zineuskadi eta Basque. Audiovisual. ekimen hau interesgarria eta onuragarria izango zaizuela espero dugu, eta, ekimena taxutzen ari den bigarren urte honen ondoren, elkarrekin ikasi ahal izango dugula nola hobetu eta nola jarraitu hazten eta elikatzen hainbat bidetatik.
Zuen proposamenak jasotzeko zain gaude!