ProfesionalakGlocal Cinema

Glocal plataformak helburu jakin bat dauka: zinemagintzaren industria indartzea, hizkuntza txiki eta ertainetan egindako zinemetarako. Europako bestelako mapa kulturalaren balioa indartzea da xedea, Europan hegemonia duten hizkuntzetatik bestelakoetan egindako filmak banatuta eta emanda. Horretarako, zinemagileen artean lankidetza sustatuko duten plataforma eta lantaldeak sortuko dira, guztia ere zinema horiei buruzko kontzientzia pizteko eta ikusgarritasuna emateko. Europako hainbat herrialdetako eta eskualdetako profesionalek bat eginda dihardute lanean, filmak banatzeko eta emateko aukera berriak jorratzeko bidean.