Euskal Herriko Gidoigileen Elkarte Profesionalak eta SGAE Fundazioak ZINE KONTARI euskaraz egindako zinema zikloaren hirugarren edizioa aurkeztu dute

Euskal Herriko Gidoigileen Elkarte Profesionalak eta SGAE Fundazioak ZINE KONTARI euskaraz egindako zinema zikloaren hirugarren edizioa aurkeztu dute

2017 Abendua 13

Bilboko Campos Eliseos Antzokiko Kupula Aretoan egingo dute erakustaldia abenduaren 12tik 15era. Sarrera doan izango da proiekzio egun guztietan, betiere, gunea edo aretoa bete arte.

ZINE KONTARIk denboran zehar sortutako euskarazko lan zinematografikoak ezagutaraztea du helburu. Horretarako, urtero, formatu eta genero ugaritako film labur eta luzeen aukeraketa egiten dugu.

Ekimen horren bidez, euskarazko film labur eta luzeak sustatu nahi ditugu: euskaraz idatzitako eta kontatutako istorioak.

Lanen sortzaileak lehen mailakoak ditugu, tartean, Maialen Lujanbio, Gregorio Muro, Carlos Zabala, Fernando Bernués, Mireia Gabilondo, Nagore Aranburu, Jose M. Goenaga, Jon Garaño, Aitor Arregi, Arantza Ibarra, Aitor Merino edo  Amaia Merino. Aipatutako lau egunetan zehar, zazpi proiekzioekin gai, genero eta publiko ezberdinak aintzat hartu nahi dira. Honakoa dugu aurten egindako selekzioa:

 

ABENDUAK 12 ASTEARTEA

Film laburra

Beti bezperako koplak (2016) 5:22’

Gidoia: Maialen Lujanbio

Zuzendaritza: Ageda kopla taldea

 

Film luzea

Kutsidazu bidea Ixabel(2013) 100’

Gidoia: Carlos Zabala, Fernando Bernués, Mireia Gabilondo, Nagore Aranburu

Zuzendaritza: Fernando Bernués, Mireia Gabilondo

 

ABENDUAK 13 ASTEAZKENA

Film laburra

Zeinek gehiago iraun (2011) 12’

Gidoia eta zuzendaritza: Gregorio Muro

 

Film luzea

Loreak (2014) 99’

Gidoia: Jose Mari Goenaga, Jon Garaño, Aitor Arregi

Zuzendaritza: Jose Mari Goenaga, Jon Garaño

 

ABENDUAK  14 OSTEGUNA

Film laburra

Betiko (2014) 6’

Gidoia eta zuzendaritza: Arantza Ibarra

 

Film luzea

Asier ETA biok (2013) 93’

Gidoia: Aitor Merino, Amaia Merino

Zuzendaritza: Aitor Merino, Amaia Merino

 

ABENDUAK 15 OSTIRALA

Film luzea (Haurrentzat)

Aita zonbia naiz (2011) 82’

Gidoia: Daniel Torres

Zuzendaritza: Ricardo Ramón, Joan Espinach

Campos Eliseos Antzokiko Kupula Aretoan egingo da erakustaldia (Bertendona 3bis, Bilbo), abenduaren 12tik 15era. Pase guztiak arratsaldeko 19:00etan hasiko dira, egunero, azkena izan ezik;  ostiralekoa, abenduaren 15ekoa, 18:00etan izango da.