Europa Cinemas zinema areto sareak 2016 urteko sarien berri eman zuen pasa den azaroaren 7an. 2002 urteaz geroztik ematen diren sariek Europa CInemas sarea osatzen duten areto onenak saritzen dituzte, hiru kategoriatan banatuta.
Hauek dira 2016 urteko saridunak:
- Enpresabururik onena. Pedro Borges, Cine Ideal (Lisboa, Portugal). Hirikoauzorik zahar eta erakargarrienean kokatuta, kalitatezko programazio anitz baten aldeko apustua egin du publiko zabala erakarriz.
- Programaziorik onena. Kino Europa (Zagreb, Kroazia). 1924/25 urtean eraikia, ikono bihurtu da Zagrebeko zineen artean. Zine europarra sustatu nahian, programazio gaurkotua, independentea eta kalitatezkoa eskaintzen du.
- Gazteentzako eskaintza onena. Moviemento and City Kino (Linz, Austria). Zine Kultura Komunikatiboa Sustatzeko Elkarteak bere gain hartu zuen kudeaketa 1999an, aretoaren itxiera saihestuz. Lan itzela egiten ari da ikastetxeekin elkarlana sustatu eta publiko gaztea erakartzeko.