SAVAGE CINEMAren bigarren edizioak sei filmetan biltzen ditu akziozko eta abenturazko kirolen DNAren gakoak. Oinordetza, On Any Sunday-The Next Chapter eta Valley Uprising filmeen bidez; hainbat atletaren performancea eta arrakasta, adibidez, Jeremy Jones snowboardlariarena, Higher filman, eta Marc Márquezena; David Martelleur antiheroiaren hondamendia, bai kirol arlokoa bai morala, eta haren autosuntsipena skate-aren munduko paisaia urbanoetan, Danger Dave-n; bizitza osoan irauten duen zaletasun batekiko irrika irrazionala, Days Of My Youth filmean eskiaren bidez irudikatua; eta gizartetik aparte bizitzeak ematen duen askatasuna, nagusi den merkantilismotik aldenduz, ospea eta dirua bilatzeari uko eginda, parerik gabeko motorrak sortzen dituen Shinya Kimura artistaren kasuan, The Greasy Hands Preachers filmean.
SAVAGE CINEMAk Donostiara urteko pelikularik adierazgarrienak ekartzeko duen konpromisoaren ondorioz, ekoizpen-etxe espezializatu nagusiak ((Teton Gravity, Sender Films, Matchstick Productions, Red Bull Media House eta Freeride Entertainment) bertan izango dira. Ekoizpen-etxe horiek generoaren kalitate zinematografikoaren bilakaera irudikatzen dute, dokumentalen arloan izen klasiko bihurtu diren Bruce eta Dana Brownen bidez, baita istorio indartsu horietako erretratu gizatiarra eta gordina erakusten duten zuzendari independenteen bidez ere.
Halaber, sinergiak sortzea funtsezkoa da, esaterako: Bilbao Mendi Film Festival mendiari buruzko zinema-jaialdi entzutetsuarekin sortu zena, pelikula berriak bilatzeko asmoarekin. Elkarlan horri esker, aurten, Valley Uprisingaurkeztuko da, Yosemiteko hormak burutik kentzerik ez zutela kirolean iraultza eragin zuten hiru eskalatzaile belaunaldiren inguruko istorioa, jende askok itxarondakoa.
SAVAGE CINEMA Donostia Zinemaldiak eta Red Bull Media House etxeak sortu duten abentura eta akzio kirolei eskainitako saila da.
Informazio gehiago hemen