‘Maya Erlea: Urrezko esfera’ gaur iritsiko da EAEko aretoetara Zinema Euskaraz programaren barruan

‘Maya Erlea: Urrezko esfera’ gaur iritsiko da EAEko aretoetara Zinema Euskaraz programaren barruan

2021 Maiatza 28

EAEko zazpi zinemak Zinema Euskaraz programak bultzatutako ‘Maya Erlea: Urrezko esfera’ filma estreinatuko dute gaur. Hainbat urtez fokuetatik urrun egon ondoren, animaziozko pertsonaia maitagarri hau pantaila handira itzuliko da Noel Cleary zuzendari alemaniarraren eskutik.

'Maya erlea: urrezko esfera' Zineuskadik sustatutako Zinema Euskaraz programaren barruan 2021ean estreinatzen den bosgarren filma da. Izan ere, ikus-entzunezkoen sektorea suspertzeko konpromisoa du Zineuskadik, batik bat COVID-19 eragindako egungo egoeraren ondorioei aurre egiten laguntzeko. Egitasmo honi esker, haur eta gazteei zuzendutako pelikulen bikoizketa bultzatzen du Eusko Jaurlaritzako Kultura eta Hizkuntza Politika sailak, eta euskara sustatzen du zinemagintzan. Hortaz, Zinema Euskaraz programak zinema-aretoetan normaltasuna berreskuratzen laguntzeko xedea du, familiei zuzendutako eduki erakargarria eskainiz.

Film berri honetan, Maya Erleak eta bere lagunik onenak, Willik, printzesa inurria erreskatatuko dute, eta intsektuen arteko gudu epiko batean murgilduko dira; mundu ezezagunetara eramango dituena eta bi erleen adiskidetasuna probatuko duena.

Hurrengo zinema-aretoetan ikusi ahal izango da filma: Príncipe Zinema (Donostia), Zugaza (Durango), Getxo, Gorbeia (Gasteiz), Niessen Zinemak (Errenteria), Golem Alhóndiga (Bilbo) eta Multicines 7 (Bilbo); eta hurrengo asteburutik aurrera Usurben (Beasain) eta Modelo Antzokian (Zarautz) ere.

Era berean, datozen hilabeteetan publiko zabalari zuzendutako hainbat film edukiko ditugu ikusgai, eta, horien artean, dagoeneko aurreratu dezakegu hurrengo filma 'Space Jam' izango dela, uztailan.